Manchester United zbriti këtë mbrëmje të Champions League në ‘Old Trafford’ për tu përballur me Atalantën në kuadër të ndeshjeve në fazën e grupeve.
Formacioni i Gasperinit nuk ka vonuar që të sulmojë që në minutat e para të takimit, por duhet të prisnin deri në minutën e 15’ që Palasic të zhbllokonte rezultatin me golin e parë.
Demiral, duke shfrytëzuar hapësirat në mbrojtjen angleze, gjen rrjetën duke dyfishuar disavantazhin e ‘djajve të kuq,’ me golin që ishte vendmtar në rezultatin e pjesës së parë që mbyllet në shifrat 2-0
Fillimi i pjesës së dytë e gjeti të mobilizuar totalisht Manchester United, që u hodhën menjëherë në sulm me Bruno Fernandes, që i dhuron mjeshtërisht një assist Rashford në minutën e 53’ për tu shndëruar në gol nga ky i fundit.
Për të barazuar shifrat mendoi kapiteni Maguire, që gjatë gjithë kësaj javë u përfol nga mediat si një element i panevojshëm te Manchester United, që i gjendur pranë portës kundërshtare në momentin e duhur barazon shifrat në 2-2.
Goditjen përfundmtare e jep vetë Cristiano Ronaldo, në minutën e 81′ do ta gjente të papërgatitur gardianin e Atalantës, duke shënuar, me shifrat që tashmë kaluan në favor të ‘djajve të kuq’ me rezultatin final 3-2.
