Atalanta këtë javë të tretë të Seria A është ndalur në shtëpinë e saj nga Fiorentina me rezultatin 1-2.
Që në minutat e para, mbrojtësi i Kombëtares Shqiptare, Berat Gjimshiti i dha epërsinë Atalantës, por sistemi VAR i preu festën shqiptarit, ku u gjykua si më i avancuar se kundërshtarët.
Pikërisht këtu mund të themi se mori kthesë përfomanca e mbrojtësit në këtë ndeshje paska të çuditshme ku u akorduan tre penallti.
E para ju dhurua Vlahovic nga vetë Gjimshiti, ku rrëzoi në zonë Bonaventurën dhe po një penallti tjetër do të vendosej sërisht në kembët e Vlahovic, që dyfishon shifrat në favorin e Fiorentinës.
Goli i Zapata po me penallti në minutën e 65-të, ngjalli shpresat e Atalantës që sulmoi dhe iu afrua golit përsëri me Gjimshitin, vazhdimisht i rrezikshëm në zonën kundërshtare. Por as ai e as shokët e tij të skuadrës nuk ia dolën të tundnin përsëri rrjetën, duke humbur mundësinë që të merrnin të paktën një pikë nga kjo ndeshje në shtëpi.
