Përmbysje rezultati pas rinumërimit në Fier, Zegjine Çaushi humb mandatin

Mbyllet procesi i rinumërimit të votave në Qarkun e Fierit.

Sipas rezultatit të rinumërimit të 586 kutive në këtij Qarku, nuk ka prodhuar ndryshim të numrit të mandateve, por një përmbysje brenda Partisë Socialistë.

Zegjine Caushi ka humbur mandatin e deputetes së PS, dhe vendin e saj në parlament e merr Maldrita Bardho me një diferencë prej 10 votash.

Nga rinumerimi i votave, Zegjine Çaushit iu hoqen 48 vota qe sipas KAS i ishin dhene padrejtesisht. Nderkohe qe Maldrita Bardho, ka rifituar nga rinumerimi  26 vota, te cilat i ishin tjetersuar gjate procesit te numerimit.

Një zyrtare në Bashkinë e Roskovecit, Zegjineja ishte një emër pothuajse i panjohur për publikun, deri në momentin kur Gazment Bardhi denoncoi se ajo, përmes të ëmës Vjollca Caushi, kishte përfituar grante për ndërtimin e një bujtine.

Zegjine Çaushi iu përgjigj Bardhit me një video ironike, të cilat i kishte të shpeshta gjatë gjithë fushatës, sa herë që Bardhi sulmon Ballukun. Kjo e fundit e përdori Zegjine Çaushin për të ironizuar kundërshtarin e saj kryesor në Fier, teksa në këtë mënyrë Zegjineja përfitonte promovim nga mediat pranë Qeverisë.

Shifrat sipas KQZ

Maldrita Bardho

Vota preferenciale: 3616

Vota nga Diaspora: 1020

4636 vota ne total

Zegjine Caushi

Vota preferenciale: 4026

Vota nga Diaspora: 600

4626 vota në total