Reshjet e vazhdueshme të shiut kanë shkaktuar probleme dhe në Librazhd, ku në njësinë administrative Pishkaksh të bashkisë së Përrenjasit janë përmbytur disa banesa. Burime njoftojnë se të paktën mbi 15 familje raportojnë se iu janë përmbytur tokat bujqësore dhe të mbjellat, duke iu shkaktuar kështu një dëm të madh ekonomik.
Banorët theksojnë se përmbytja është pasojë e ndërtimit të hidrocentralit të Lingajcës, i cili u ndërtua teksa vendi po kalonte situatën pandemike, ndonëse hasi në kundërshtimin e banorëve, të cilët i paraprinë kësaj situate duke thënë se ky HEC do të shkaktonte përmbytje gjatë dimrit. Ndonëse kanë dy vite që ngrejnë zërin lidhur me këtë problematikë, banorët shprehen se nuk kanë marrë asnjë reagim nga pushteti vendor për problemin e tyre.
Discussion about this post