Shqipëria sot është përballur me një mot të paqëndrueshëm i cili ka përhapur panik te qytetarët. Reshjet e dendura të shiut kanë sjell përmbytjen e disa qyteteve si dhe rrugët janë ‘pushtuar’ nga uji.
Kujtojmë që Gijotina.com raportoi se nga moti i keq është shënuar dhe një viktimë në fshatin Dedaj të Shkrelit në Malësinë e Madhe.
Sipas të dhënave zjarri ka ardhur si pasojë e një rrufeje. Flakët janë përhapur me shpejtësi në banesë dhe për pasojë ka humbur jetën shtetasi Arben Ivanaj, 50 vjeç.
Reshjet e dendura kanë përmbytur edhe qytetin e Kuçovës. Banorët kanë kërkuar ndihmën e policisë dhe zjarrfikësve por askush s’ju ka shkuar për ndihmë. Uji në banesë u largua nga ata me mjete rrethanore si pompa dhe fshesa. Kuçova ka dhe probleme dhe me energjinë elektrike pasi nën ujë është edhe Nën/stacioni Elektrik. Më problematike situata paraqitet në hyrje të qyteti dhe në lagjet: “Llukan Prifti”, ‘1 Maji”, “11 Janari”, “Tafil Skëndo”, etj
Problematika janë shfaqur dhe në nënkalimin në Fushë-Mamurras në autostradën Milot-Thumanë. Mësohet se pak çaste pasi filluan reshjet e shiut, zgarat e shkarkimit të ujërave janë bllokuar. Për pasojë është rritur niveli i ujit, duke penguar kështu lëvizjen e automjeteve të vogla.
Edhe Bulqiza nuk i ka shpëtuar dot stuhisë dhe reshjeve të dendura të shiut. Rrugët në këtë qytet janë mbuluar nga uji, si dhe janë përmbytur disa zona.
Moti i keq shkaktoi dhe ndërprerje të energjisë elektrike në Tiranë. Mësohet se energjia elektrike është ndërprerë në zona si ish-ekspozita e bulevardit “Gjergj Fishta”, e cila mbeti pa energji elektrike.
Situata mbetet problematike edhe në Tiranë, ku siç duket nga videoja e siguruar nga Gijotina.com lumi Lana ka dalë nga shtrati. E gjithë zona e njohur si “Pallati me Shigjeta” ndodhet nën pushtetin e ujit që po vërshon brenda lagjeve në këtë zonë.
Discussion about this post