Nga moti i keq që ka përfshirë vendin tonë javët e fundit me qindra hektarë tokë janë përmbytur dhe kjo ka dëmtuar shumë fermerët shqiptar për shkak se nuk janë të siguruar. Në lidhje me këtë situatë ka folur Kreu i Agrobiznesit Shqiptar, Agim Rrapaj, i cili tha gjatë një interviste televizive se sektori bujqësor është lënë ën dorë të fatit sa i takon sigurimit dhe pret kompensim vetëm nga buxheti i shtetit.
Më tutje ai thekson se kjo ndodh për shkak se fermerët dhe agrobizneset e kanë të pamundur ta përballojnë të vetëm primin e sigurimit. Për të zgjidhur këtë situatë, Rrapaj propozon një skemë sigurimi ku të përfshihen tre aktorë, në mënyrë që kostot të jenë më të ulëta. Pak kohë më parë edhe kryeministri Edi Rama theksoi se po punohet për një skemë sigurimi në fushën e bujqësisë, ku fermerët të kenë kosto të ulëta, por deri më tani asgjë nuk është vënë në zbatim, ndërsa përmbytjet vazhdojnë dhe fermerët nuk kanë marrë as dëmshpërblim.
Discussion about this post