Përmbytjet në Emiratet e Bashkuara, të paktën 20 persona kanë humbur jetën

Stuhitë e shiut që kanë goditur orët e fundit Emiratet e Bashkuara ka shkakturar një sërë përmbytjesh dhe të paktën 20 persona kanë humbur jetën.

Aeroporti i Dubait në një deklarat për mediat ditën e mërkurë raportoji se po përballej me “kushte shumë sfiduese” .

Autoritetet këshilluan pasagjerët të mos paraqiteshin pasi pistat ishin të përmbytura me ujë. Më në veri, një burrë vdiq kur makina e tij u përmbys nga përmbytjet e shpejta.

Në Oman, ekipet e shpëtimit gjetën trupin e një vajze në Saham, duke e çuar numrin e të vdekurve në vend në 19 që nga e diela. Autoritetet paralajmëruan gjithashtu se parashikohen më shumë stuhi, shira të dendur dhe erëra të forta, me shumë zona të ulëta ende nën ujë.

Emiratet e Bashkuara Arabe, fqinji verior i Omanit, përjetuan të martën sasinë më të madhe të reshjeve që nga fillimi i regjistrimeve 75 vjet më parë. Qendra Kombëtare e Meteorologjisë njoftoi se 254.8 mm kishin rënë në Khatm al-Shakla, në emiratin al-Ain, për më pak se 24 orë.

Vendi ka mesatarisht 140-200 mm reshje në vit, ndërsa Dubai zakonisht merr vetëm 97 mm. Mesatarja mujore për prillin është vetëm rreth 8 mm shi.