Përmbytjet nga reshjet e shumta të shiut kanë sjellë përmbytje dhe përkeqësim të situatës në shumë zona të vendit. Raportohet se 5 banorë nga Ferrasi janë nisur drejt urgjencës së spitalit të Fierit, ku dy prej tyre janë fëmijë. Gjithsesi mësohet se gjendja e tyre mbetet e qëndrueshme, teksa ende nuk dihen shkaqet specifike që kanë sjellë nevojën e tyre për ndihmë mjekësore.
Kreu i Emergjencave Civile, Haki Çako bëri me dije ditën e sotme se në Ferras janë disa banesa me të cilat janë përmbytur, ndërsa janë evakuuar 3 familje. Dalja nga shtrati i lumit Vjosa dhe dëmtimi i urës së Mifolit ka shkaktuar përmbytje në fshatin Novoselë dhe në fshatin Ferras, ndërsa efektivë të Forcave Ushtarake sëbashku me punonjës të Emergjencave Civile po punojnë për menaxhimin e situatës.
Discussion about this post