Këshilli i Ministrave në Itali ka miratuar dekretin për emergjencën e motit të keq , me masa ad hoc për përmbytjet që goditën Emilia-Romagna.
Kryeministrja Giorgia Meloni u shpreh se:- “Ky është një dekret legjislativ me ndërhyrjet e para urgjente, dhe ka shumë masa. Në përgjithësi, kjo dispozitë e parë parashikon një ndarje mbi dy miliardë euro për zonat e prekura. Dekreti parashikon pezullimin e pagesave të taksave dhe kontributeve deri më 31 gusht”.
“Nuk ishte e lehtë të gjesh 2 miliardë euro në pak ditë”- tha Meloni.
“Në situatën aktuale në të cilën ndodhet Italia, gjetja e 2 miliardë eurove brenda pak ditësh nuk është një gjë e lehtë. E gjithë qeveria, duhet pranuar që i është përkushtuar emergjencës me përqendrimin dhe disponueshmërinë maksimale të situatës.”
Discussion about this post