Kryetari i Bashkisë Shkodër Bardh Spahia, duke folur për gazetarin Endri Xhafo në Abc, tha se nga përmbytjet në qytetin verior, ka banesa nën ujë.
Spahia theksoi se Rama vizitoi Shkodrën vetëm për turizëm politik.
Xhafo: Si paraqitet situata në Shkodër? Raportimet janë që ka një përmirësim me ditën e djeshme
Spahia: Është e vërtetë, ka një përmirësim të situatës, e cila ishte një ditë ekstremisht e vështirë për territore të tëra. Mbetet një situatë e rëndë për shumë fshatra të territorit të Bashkisë tonë. Aktualisht ka një rënie të nivelit të ujit krahasuar me dje. Por ka ende territore nën ujë, banesa në ujë.
Problematike mbetet situata për persona me sëmundje të ndryshme, fëmijët dhe të moshuarit. Unë e kam marr vesh në media prezencën e kryeministrit në Shkodër. Deklarata e tij janë një turizëm politik krejtësisht i pavend për situatën.
Të vish dhe të bësh shou politk, të krahasosh situatën aktuale me 2010-n është tallje me banorët. Sot nuk jemi këtu për të bërë krahasime.
Nga njëra anë kryeministri thotë se nuk ka patur punë të mira nga ana e Bashkisë Shkodër, nga ana tjetër Peleshi e përgëzoi Bashkinë Shkodër për pastrimin e kanaleve kulluese. Nuk kemi rival në të gjithë Shqipërinë sa i përket pastrimit të kanaleve.
Discussion about this post