Dy ditë pas përmbytjeve në Vlorë dhe Fier, uji është tërhequr por banorët po vuajnë pasojat, pasi asnjë ndihmë nuk i ka ardhur nga shtetit. Sakaq, në një prononcim për mediet ata deklarojnë se ende nuk ka dalë asnjë komision vlerësimi për dëmet e shkaktuara dhe askush nuk i hedh sytë nga ta.
Sakaq, bëhet me dije se të dhënat zyrtare të dëmeve mungojnë, por banorët e Fermës e Fitores në Novoselë thonë se u janë dëmtuar dhjetëra hektarë të mbjella. Puna e gjithë vitit për këta banorë u morr nga lumi. “Dhjetëra hektarë me grurë, elb, jonxhë e zarzavate të stinës na janë dëmtuar. Ndërsa në pemtari dëmet janë kryesisht në vreshta, pemë qershie e agrume dhe askush nuk ka ardhur t’i vlerësojë apo të na pyes për çfarë kemi nevojë”, tha një banor.
Ata thonë se edhe në përmbytjet e mëparshme nuk janë dëmshpërblyer, ndërkohë që tokat dhe rrugët vazhdojnë të jenë të mbuluara nga balta. Ata kërkojnë ushqim për bagëtitë dhe vlerësim të dëmeve.
Discussion about this post