Matteo Gozzoli, kryetari i bashkisë së Cesenatico, ka qetësuar paksa fansat e ish-trajnerit të Milanit, Interit dhe Juventusit, Alberto Zaccheronni, në lidhje me gjendjen shëndetësore të teknikut.
“Alberto Zaccheroni është i qëndrueshëm dhe gjendja e tij duket se po përmirësohet. Pas frikës së madhe të premten, gjërat besoj se do të shkojnë mirë tani. Jam i lumtur që kam kontaktuar me familjen dhe i urova Albertos një shërim të shpejtë dhe e përshëndeta përzemërsisht në emër të të gjithë qytetit”. Këto janë fjalët e kryebashkiakut Matteo Gozzoli i cili ka folur përmes mesazheve me Lucan, djalin e ish-trajnerit.
Zaccheroni iu nënshtrua një operacioni të shtunën më 11 shkurt për të kulluar hematomën e kafkës pasi ra në shtëpi një ditë më parë. Mbetet ende për t’u sqaruar nëse gjendjet e rënda shëndetësore janë shkaktuar nga rënia apo rënia ka qenë pasojë e një sëmundjeje të mëparshme. Pas operacionit, shqetësimi kryesor i mjekëve tani është nëse tekniku mund të shohë saktë në të dy sytë.
Ndërkohë, solidaritete po vijnë nga e gjithë bota e futbollit, duke përfshirë edhe Japonia, ku Zaccheroni drejtoi kombëtaren e këtij vëndi nga viti 2010 deri në 2014, duke fituar një Kupë të Azisë në vitin 2011 dhe duke u pritur zyrtarisht nga perandori japonez Akihito.
Discussion about this post