Përmirësohet situata e COVID-19 në 24 orët e fundit në Kosovë. Në raportimin ditor të rasteve, ministria e Shëndetësisë në vend bëri të ditur se për sot janë identifikuar pozitive për virusin 21 raste të reja.
Po ashtu, sot janë shëruar 16 qytetarë kurse numri i përgjithshëm i të shëruarve është 157.386. Në total numri i rasteve aktive në vend është 445.
Disa ditë më parë ministria e Shëndetësisë në Kosovë miratoi rekomandimin e Komitetit të Ekspertëve për vaksinimin e fëmijëve të moshës 12-15 vjeç.
Vaksina që fëmijët e kësaj grupmoshe do të marrin është Pfizer BioNTech, ndërsa vaksinimi do të kryhet me kërkesë dhe vullnet të prindit apo kujdestarit ligjor.
Të përjashtuar nga vaksinimi janë vetëm fëmijët që kanë indikacione shëndetësore, ndërsa të tjerët do të mund të marrin dozën e tyre në të gjitha qendrat e vaksinimit kundër COVID-19 në Kosovë, vetëm në prani të prindit apo kujdestarit ligjor.
Discussion about this post