Përmirësohet situata e COVID-19 në Kosovë. Në 24 orët e fundit janë regjistruar 21 raste të reja me koronavirus nga 1.651 testime të kryera. Ministria e Shëndetësisë në vend bëri të ditur në raportimin ditor të rasteve se për sot nuk ka asnjë viktimë nga Covid-19.
Po ashtu, njoftohet se betejën me sëmundjen e kanë fituar edhe 10 qytetarë kurse numri i përgjithshëm i të shëruarve është 157.370.
Në total numri i rasteve aktive është 441.
Në 24 orët e fundit janë dhënë 5.751 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.568.983 doza të vaksinës.
Deri më sot 730.037 qytetarë janë vaksinuar me dozën e dytë.
