Situata e pandemisë në Kosovë, vjen duke u përmirësuar dita ditës. Sipas raportit nga Ministria e Shëndetësisë, në 24 orët e fundit janë regjistruar 9 raste të reja me koronavirus nga 1,802 testime të kryera. Fatmirësisht, asnjë qytetar nuk e ka humbur betejën me koronavirusin gjatë këtyre 24 orëve.
Në të gjithë vendin mësohet se janë 314 raste aktive me COVID. Ministria e Shëndetësisë bën me dije se gjatë 24 orëve të fundit janë dhënë 2,096 doza vaksine.
Që prej fillimit të fushatës së vaksinimit në Kosovë janë dhënë në total 1,656,937 doza vaksine. Sakaq, 777,730 qytetarë janë vaksinuar me të dyja dozat e vaksinës.
Ndër të tjera Ministria e Shëndetësisë bën me dije se gjatë 24 orëve të fundit janë shëruar 6 qytetarë, duke e çuar numrin e përgjithshëm të të shëruarve në 157,971 që prej fillimit të pandemisë.
Kosova vijon të ketë një situatë të qëndrueshme pandemike krahasuar me vendet e tjera të rajonit.
Discussion about this post