Situata e pandemisë në Kosovë vjen duke u përmirësuar. Gjatë 24 orëve të fundit janë regjistruar vetë, 10 raste të reja, nga 1, 231 teste të realizuar për COVID-19.
Sipas Ministrisë së Shëndetësisë nuk është shënuar asnjë viktimë në 24 orë.
Ndërsa 13 qytetarë janë shëruar, duke e çuar numrin e përgjithshëm të të shëruave në 157,711 persona.
Autoritetet shëndetësore i bëjnë thirrje qytetarëve të mos hezitojnë, por të vaksinohen kundër Covid për të parandaluar përhapjen e virusit.
22 Nëntor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Nga 1.231 testime, 10 qytetarë kanë rezultuar pozitiv me COVID-19.
– Gjatë 24 orëve të fundit, nuk është shënuar asnjë rast i vdekjes.
– Sot janë shëruar 13 qytetarë, derisa numri i përgjithshëm i të shëruarve është 157.711.
– Në total numri i rasteve aktive është 232.
Discussion about this post