Situata e pandemisë në Shqipëri po përmirësohet. Në 24 orët e fundit krahasuar me një ditë më parë raportohet se numri i të infektuarve ka rënë ndjeshëm, po ashtu edhe numri i viktimave.
Sipas Ministrisë së Shëndetësisë, raportohen 465 qytetarë të infektuar 6 humbje jete dhe 531 të shëruar në 24 orët e fundit.
Viktimat me Sars-Cov2 pozitiv: një qytetarë nga Shkodra 56 vjeçe, tre qytetarë nga Tirana të moshave 68-86 vjeç, një qytetar nga Kavaja 77 vjeç, një qytetar nga Korça 78 vjeç.
Ministria e Shëndetësisë dhe Mbrojtjes Sociale u shpreh ngushëllimet familjarëve.
Nga qarqet që ka më shumë qytetarë të prekur me virusin vdekjeprurës, është Tirana, e cila pasohet nga Durrësi dhe Vlora.
Shpërndarja e rasteve pozitivë me COVID19 në këto bashki, paraqitet si më poshtë:
206 në Tiranë, 30 në Fier, 20 në Durrës, 19 në Vlorë, 16 në Kamëz, 15 në Gjirokastër, 14 në Shkodër, 13 në Berat, 12 në Lushnje, nga 10 qytetarë në Kavajë, Elbasan, nga 9 qytetarë në Pogradec, Delvinë, nga 8 qytetarë në Kurbin, Mallakastër, nga 5 qytetarë në Kuçovë, Dimal, Korçë, nga 4 qytetarë në Krujë, Devoll, Skrapar, Cerrik, nga 3 qytetarë në Peqin, Poliçan, Përmet, Vorë, nga 2 qytetarë në Mirditë, Shijak, Roskovec, Patos, Gramsh, nga 1 qytetar në Tepelenë, Këlcyrë, Libohovë, Himarë, Selenicë, Divjakë, Dibër, Rrogozhinë, Lezhë, Tropojë, Has, Kukës, Vau i Dejës.
Janë 8175 pacientë aktivë me COVID19 në të gjithë vendin.
Aktualisht në spitalet COVID po marrin trajtim 139 pacientë, nga të cilët 15 janë në gjendje më të rënduar.
Discussion about this post