Ministria e Shëndetësisë në Kosovë ka dhënë sot lajmin e mirë në lidhje me situatën pandemike. Përmes një postimi zyrtar, ministria njofton se Klinika Infektive II, pasi ata që ishin të shtruar janë shëruar dhe kanë lënë ambientet e spitalit, ndërsa 4 pacientët e mbetur u transferuan në një tjetër spital covid.
“Klinika Infektive II (Mjekësi Sportive) në Kosovë, nga dita e sotme, nuk ka asnjë pacientë të shtruar me COVID-19. Katër pacientët e fundit që kishte kjo njësi, janë transferuar në kuadër të Klinikës Infektive.
Ndërkaq, në kuadër të Shërbimit Spitalor Klinik dhe Universitar të Kosovës (ShSKUK), po trajtohen 87 pacientë, prej tyre 48 me oksigjeno-terapi dhe 4 në mjekim intensiv, në gjendje të rënduar shëndetësore”, thuhet në njoftim.
Kujtojmë se që nga fillimi i tetorit në Kosovë regjistrohen një numër në rënie të infektuarish por edhe fatalitetesh nga Covid-19.
