Policia e Tiranës ka bërë të mundur ndalimin e një shtetasi italian i cili rezulton se ka përndjekur në mënyrë të vazhdueshme një diplomate në ambasadën e Bashkimit Europian në Tiranë.
Personi i ndaluar quhet Matteo Gioachin dhe mësohet se kishte udhëtuar nga Anglia në Shqipëri vetëm për të takuar dhe krijuar një lidhje intime me zyrtaren e ambasadës së Bashkimit Europian në Tiranë.
Sipas kallëzimit të bërë nga diplomatja Franceska Renzi, Gioachin e ka përndjekur në mënyrë të vazhdueshme kur ka qenë diplomate edhe në disa shtete të tjera. Përndjekja dhe shqetësimet e tij kundër saj, kryesisht ndodhnin në ambiente publikë si në rrugë dhe në bare.
Por nuk mungonin dhe shqetësimet përmes telefonin dhe adresës së E-Mailit.
Sipas kallëzueses, kjo histori e tillë përndjekje, ka disa vite që ka ndodhur dhe ka filluar qysh në qytetin e Padovës në Itali, duke vijuar më pas të përsëritet edhe në shtete të tjera, ku ajo ka shërbyer si diplomate e Bashkimit Europian.
Tashmë komisariati Nr.1 në Tiranë, ka bërë ndalimin e shtetasit Matteo Gioachin dhe materialet, ia ka kaluar për veprime të mëtejshme hetimore.
Pas shqyrtimit gjyqësor, ka qenë gjykata e Tiranës e cila ka vendosur të caktojë masën e “arrestit në burg” 40 ditor për personin e ndaluar.
Discussion about this post