Policia e Durrësit ka arrestuar pesë persona, pasi akuzohen për vepra të ndryshme penale. Sipas njoftimit të policisë, në pranga kanë rënë dy të rinj, njëri prej të cilëve nga Fushë Kosova, pasi në bashkëpunim me njëri-tjetrin, i kanë vjedhur shtetasit A. Ç., një sasi vlere monetare dhe dokumente personale.
Është arrestuar gjithashtu dhe një 52 vjeçar me inicialet A. Gj., pasi ka dhunuar një 64 vjeçar dhe përndjekur një shtetase.
Në pranga ka rënë dhe një 41 vjeçar banues në Krujë, pasi ka shkaktuar një aksident, dhe një tjetër është arrestuar për drejtim mjeti në gjendje të dehur.
