Përpjekjet për të bashkuar PD-në, deputetja propozon 4 pika

Deputetja e Partisë Demokratike, Ina Zhupa ka dalë me një propozim, sipas saj personal lidhur me tentativat për t’u bashkuar.

Në atë që ajo e quan si nisjen e rrugës për zgjidhje, thotë se 52 deputetë e grupit paralmentar duhet të mblidhen për të diksutuar. Zhupa thekson se mbledhja mund të drejtohet nga deputetja më e re në moshë, Andia Ulliri.

Sipas saj, mbledhja e parë të zhvillohet në ambientet e Kryesisë së Kuvendit, me vetëm një pikë të rendit të ditës: “Situata ne PD.”

Propozoj:

1- Mbledhjen e përbashkët të 52 deputetëve të Partisë Demokratike, të votuar nga qytetarët shqiptar për t’i përfaqësuar, pa asnjë përjashtim!

2- Mbledhja e parë të zhvillohet vetëm me një pikë të rendit ditës: Situata në PD! Të dëgjojmë njeri tjetri, të flasim me njeri tjetrin sy me sy dhe jo nëpërmjet ekraneve të televizioneve ku jemi bërë ushqimi i përditshëm i publikut që e ndjek si telenovelë!

3- Mbledhja e parë të zhvillohet në ambjentet e kryesisë së kuvendit ku mblidhen edhe grupi të tjera parlamentare po ku edhe grupi jonë është mbledhur me raste të caktuara.

4- Mbledhja e parë të moderohet nga deputetja më e re e grupit parlamentar Andia Ulliri dhe mos ketë limit kohor në diskutime. Hierarkitë partiake le të zhduket një moment, asgjë e keqe nuk do vij.

Sigurisht nuk mendoj se pas asaj mbledhje PD do dalë e bashkuar automatikisht por mendoj se është detyrim ndaj 622187 shqiptarëve dhe një hap i parë.

Të bisedosh jo gjithmonë arrin të biesh dakord me çdo gjë por të paktën ke tentuar dicka me qytetari dhe me vullnet të mirë. Demokratët janë shquar për mbrojtjen e fjalës së lirë!

Ftoj cdo koleg deputet që këtij propozimi t’i përgjigjet pa tagra të tjerë përfaqësues por në tager personal dhe politik si deputet i PD për të mirën e PD!