Përplasja mes bandave të drogës dhe autoriteteve në Meksikë vazhdon të jetë e ashpër dhe me pasoja të mëdha. Autoritetet në Sakatekas thonë se 16 persona janë vrarë në një përleshje bandash. Sipas prokurorit të shtetit Francisco Mourillo, dhjetë trupa u gjetën të mbështjellë me batanije në rrugët e komunës së Fresnios dhe gjashtë të tjerë u gjetën të varur në një magazinë në komunitetin e afërt të Panfilo Natera.
Dy persona u arrestuan një ditë më parë, shtoi prokurori, duke theksuar se të gjitha vrasjet ndoshta ishin të lidhura. Muajin e kaluar, autoritetet gjetën 10 kufoma në një automjet në qendrën historike të kryeqytetit të shtetit Sakateka, shumë pranë nga selia e qeverisjes vendore. Vrasjet janë rritur në shtet, sipas shifrave zyrtare: 1050 janë kryer në vitin 2021, rreth 200 më shumë se në 2020.
Discussion about this post