Një aksident është regjistruar rreth orës 19:45, në autostradën Fier-Vlorë .
Burimet bëjnë me dije për Gijotina.com, se ngjarja ka ndodhur afër Urës së Mifolit, ku një mjet tip “Benz”, me drejtues shtetasin D. S, është perplasur me një tjetër mjetin tip “Kama”. Si pasojë e përplasjes, njëra nga makinat ka përfunduar e përmbysur në rrugë.
Si pasojë e përplasjes është dëmtuar drejtuesi i automjetit Kama dhe 2 pasagjerët në të, të cilët janë dërguar në spitalin e Vlorës.
Mësohet se nga kjo përplasje ka mbetur i plagosur drejtuesi i automjetit Kama dhe 2 pasagjerët në të. Siç mund të shikohet edhe në foton e siguruar nga redaksia, ata po shoqërohen për në spitalin e Vlorës, teksa ende nuk dihet gjendja e tyre.
Policia ka mbërritur në vendin e ngjarjes dhe po punon për sqarimin e rrethanave të saj, ndërkohë që devijimi i trafikut është bërë vetëm në një korsi.
