Transportonte 500 mijë euro/ Makina e “Nazerit” përplaset me fuoristradën në Përmet, 2 policë privatë të plagosur

Aksident në aksin rrugor Tepelenë – Përmet në vendin e quajtur kthesa e fshatit Kodër.

Sipas informacioneve jozyrtare, furgoni i blinduar i policisë private NAZERI tip FIAT me targa AA391XC i ka prerë rrugwn fuoristradës tip Range Rover me targa AB356HK. Ndërsa fuoristrada vinte nga Tepelena, u ndesh me furgonin e blinduar ku ky i fundit i preu rrugën.

Për pasojë kanë ngelur të lënduar dy pjesëtarë të policisë private NAZERI, të cilët u transportuan menjëherë drejt spitalit të Tepelenës, nga ku ndodhen jashtë rrezikut për jetën. Në vendngjarje ka shkuar policia rrugore e cila do të vlerësojë rrethanat e ngjarjes dhe zbulojë shkakun e aksidentit.

Mësohet se në mjetin e kompanisë private ishin 500 mijë euro që po transportoheshin.