Përplasen dy makina në Shkodër, 2 persona në gjendje të rëndë

Një aksident i rëndë është regjistruar në aksin Shkodër – Koplik, në afërsi të fshatit Shtoj.

Dy makina janë përplasur me njëra tjetrën, duke sjellë plagosjen e 3 personave, 2 prej të cilëve në gjendje të rëndë. Të plagosurit janë transportuar në spitalin rajonal të Shkodrës.

Sipas të dhënave, automjeti tip Volsvagen ka qenë duke lëvizur jashtë normave të shpejtësisë, duke humbur kontrollin dhe më pas ka ndeshur mjetin tip Mercedes në anën tjetër të rrugës. Në përfundim, është përplasur në portën hyrëse të një biznesi.

Aksi Shkodër – Koplik vijon të jetë një ndër akset më problematike në Qarkun e Shkodrës, përsa i përket aksidenteve rrugore.