Një aksident ka ndodhur në Gjirokastër pasditen e sotme, në afërsi të NSHN-së, ku dy automjete me targa greke, tip “Hyundai” dhe “Ford” janë përplasur.
Nga përplasja ka pasur dëme të konsiderueshme të dy automjeteve si dhe janë plagosur lehtë drejtuesi i mjetit dhe një pasagjer, të cilët sipas informacioneve janë emigrantë që kanë ardhur në Shqipëri.
Mendohet se shkak për aksidentin ka qenë një parakalim i gabuar. Në vendngjarje ka shkuar ambulanca dhe policia.
