Një aksident ka ndodhur pak minuta më parë në hyrje të qytetit të Kuçovës, në Meteor. Dy automjete, njëri i tipit Golf dhe tjetri Seat Ibiza, janë përplasur dhe si pasojë e goditjes, mjeti Seat Ibiza ka dalë nga rruga dhe ka përfunduar i përmbysur në kanal.
Mësohet se makinat kanë qenë duke qarkulluar në të njëjtin sens, por ende nuk dihet se si ka ndodhur goditja mes tyre. Fatmirësisht aksidenti ka shënuar vetëm dëme të mëdha materiale, ndërkohë që çifti që ndodhej në mjetin tip Golf dhe drejtuesi i mjeti tip Seat kanë dalë pa lëndime nga mjetet.
Në vendngjarje kanë shkuar efektivë të shumtë të policisë rrugore, që po kryejnë edhe këqyrjen e vendit të aksidentit, për të zbuluar edhe dinamikën e tij.
Burimet policore në vendngjarje nuk konfirmojnë ende se cili prej mjeteve ka shkaktuar aksidentin, ndërkohë që mendohet se shkak mund të ketë qenë edhe koha e keqe dhe lagështira në rrugë, edhe pse nuk përjashtohet edhe shpejtësia me të cilën kanë qenë duke qarkulluar të dyja mjetet.
Discussion about this post