Përplasen dy turistë gjermanë pranë Sarandës

Një aksident me pasojë plagosje ka ndodhur mbrëmjen e sotme në afërsi të tunelit të Kardhiqit.

Bëhet me dije se të aksidentuarit janë dy turistë gjermanë të cilët udhëtonin me një motoçikletë.

Mësohet se drejtuesi ka humbur kontrollin e mjetit duke sjellë përplasjen dhe plagosjen e dy turistëve.

Megjithatë ata ndodhen në gjendje të stabilizuar jashtë rrezikut për jetën, ndërsa janë dërguar në spitalin e Sarandës dhe pritet të nisen drejt Tiranës për mjekim më të specializuar.

NJOFTIMI I POLICISË

Në aksin rrugor Kardhiq-Delvinë, në vendin e quajtur Skërficë, shtetasi gjerman R. B., 69 vjeç, duke drejtuar motoçikletën, 300 metra në dalje nga tuneli për në Sarandë, ka humbur kontrollin mbi drejtimin e motoçikletës dhe për pasojë motoçikleta ka dalë nga rruga.

Si pasojë e daljes nga rruga të motoçikletës janë dëmtuar drejtuesi i motoçikletës dhe pasagjeri shtetasi austriak G. G., 60 vjeç.

Të dy shtetasit janë dërguar për ndihmë mjeksore në Spitalin e Sarandës.

Grupi hetimor po vijon punën për zbardhjen e plotë të rrethanave dhe shkakutr të aksidentit.