Përplasën për vdekje të moshuarën në Kuçovë, arrestohen 2 adoleshentët

Janë arrestuar dy autorët për aksidentin e djeshëm në Kuçovë, ku humbi jetën një 72- vjeçare dhe një tjetër ndodhet në gjendje të rëndë.

Personat janë identifikuar si A. Sado,17-vjeç dhe Er.Tafa,15-vjeç të cilët pasi përplasën dy të moshuarën janë larguar me njëherë nga vendi i ngjarjes.

Megjithatë, dëshmitë e kalimtarëve dhe banorëve të zonës por edhe pamjet filmike nga vendi i ngjarjes kanë çuar në identifikimin dhe arrestimin e dy adoleshentëve.

Dy minorenët, tashmë ndodhen në ambientet e DVP-së Berat, ku po merren në pyetje në lidhje me aksidentin e rëndë. Aksidenti ndodhi mbrëmjen e djeshme në rrugën e varrezave në qytetin e Kuçovës, ku dy të rinjtë me motorr pasi goditën të moshuarat, u larguan me shpejtësi.

Njëra prej grave të aksidentuara,72-vjeçarja Leme Mara ndërroi jetë menjëherë pas mbërritjes në Spitalin Rajonal të Beratit, ndërsa e aksidentuara tjetër File Ahmeti,74-vjeçe,u transportua në gjendje të rëndë në Spitalin Ushtarak në Tiranë.