Dy shoferë kanë rënë në prangat e policisë në Durrës, pasi akuzohen se kanë shkaktuar dy aksidente të rënda.
Bëhet fjalë për personat e identifikuar me iniciale A. K., 28 vjeç, banues në Shkodër, i cili është arrestuar pasi duke drejtuar mjetin, ka aksidentuar Xh. K., 20 vjeç, banues në Krujë, këmbësor në rrugë, i cili ndodhet nën kujdesin e mjekëve.
I arrestuari i dytë është A. S., 19 vjeç, banues në Durrës. Ai duke drejtuar makinën e tij ka aksidentuar Xh. U., 70 vjeç, banues në Rrashbull, Durrës, këmbësor në rrugë, i cili ndodhet nën kujdesin e mjekëve, jashtë rrezikut për jetën.
Pritet që personat në fjalë të përballen me akuzën për veprat penale “Drejtimi i automjetit në mënyrë të parregullt” dhe “Shkelja e rregullave të qarkullimit rrugor”.
