Trajneri i Manchester City-t, Pep Guardiola është përballur me një sërë kritikash, pasi u ka bërë thirrje tifozëve që të mbushin stadiumin për ndeshjen e ditës së dielë.
Kësaj thirrjeje të teknikut mbështetësit e ‘Citizenëve’ i janë përgjigjur në mënyrë kritike dhe i kanë thënë që të “merret më tepër me ekipin.”
Ndërsa ditën e sotme spanjolli u është përgjigjur këtyre kritikave, duke u shprehur se nuk tha asgjë të keqe dhe nuk ka ndërmend të kërkojë falje.
“Unë nuk do të kërkoj falje për të thënë që njerëzit shkojnë në stadium. Asnjëherë nuk thashë se më shqetësoi fakti që stadiumi nuk ishte i mbushur. Unë nuk dua të jem Liverpool, United, Real Madrid apo Barça. Ne jemi ata që jemi dhe duhet të jemi krenarë.”- tha ndër të tjera Guardiola./K.T/Gijotina.com
