Përplaset nga makina në aksin Lushnjë-Berat, humb jetën 63-vjeçari

Një person ka humbur jetën si pasojë e një aksidenti rrugor të ndodhur këtë të martë në aksin Lushnjë-Berat.

Viktima, sipas policisë, është një 63-vjeçar, i cili është përplasur për vdekje nga një automjet.

“Rreth orës 12:55, në aksin rrugor ‘Lushnjë-Berat’, shtetasi G.I., 54 vjeç, duke drejtuar automjetin, ka përplasur shtetasin N.H., rreth 63 vjeç, këmbësor. Si pasojë e dëmtimeve, shtetasi N.H. ka humbur jetën në vendngjarje. Shërbimet e Policisë shoqëruan drejtuesin e automjetit, shtetasin G.I., në Komisariat, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të rrethanave të aksidentit”, njoftoi policia.