Një autobus është përplasur mbrëmjen e kësaj të marte në rrugën Gjilan-Ferizaj. Si pasojê e përplasjes tre persona janë plagosur.
Sipas mediave të Kosovës, aksidenti ka ndodhur rreth orës 21:20.
Lajmin e ka bërë me dije zëdhënësi i Policisë së Kosovës për rajonin e Gjilanit, Ismet Hashani, i cili ka njoftuar se aksidenti ka ndodhur pasi autobusi ka këputur telat e rrymës elektrike.
“Ju njoftojmë se rreth orës 21:20 në rrugën e Ferizajt, ka ndodhur një aksident ku i përfshirë është një autobus i cili ka këputur telat e rrymës dhe një korsi ka qenë e bllokuar për pak kohë. Sipas hetimeve janë lënduar lehtë tre persona”, ka thënë Hashani.
Discussion about this post