Publikohen pamjet nga aksidenti i ndodhur një ditë më parë në Tiranë, ku një automjet ka përplasur një çift të rinjsh që ishin duke ecur në trotuar, para kryeministrisë.
Video e publikuar nga BalkanWeb tregon momentin kur makina që drejtohej nga 21-vjeçari bën manovra të rrezikshme, pak sekonda para se të përplasë çiftin.
Kujtojmë se si pasojë e këtij aksidenti, mbetën të plagosur dy të rinjtë, vajza në gjendje më të rëndë, e cila aktualisht ndodhet në spitalin e Traumës.
Lidhur me aksidentin policia arrestoi Jorgaq Thengjillin, 21 vjeç.
21-vjeçari, i lindur në Greqi dhe banues në Tiranë, iu nënshtrua edhe testit të alkoolit dhe lëndëve narkotike, për të cilat rezultoi negativ. I riu po lëvizte të dielën, ditën që shkaktoi aksidentin, me shpejtësi nga Liceu Artistik në drejtim të bulevardit “Dëshmorët e Kombit”, përmes rrugës “Ismail Qemali”. Si pasojë e përplasjes së makinës e cila ka përfunduar në trotuar, përveç dy të plagosurve, janë shkatërruar edhe reklamat në anë të rrugës.
Discussion about this post