Ardit Lila është autori i aksidentit të rëndë në Berat, ku përplasi për vdekje një këmbësor.
Policia njofton se 33- vjeçari ka rënë në pranga, pasi katër ditë më parë duke drejtuar mjetin tip “Opel”, goditi këmbësorin Artur Abazaj i cili humbi jetën, dhe më pas u largua nga vendi ngjarjes.
Aksidenti tragjik ndodhi rreth orës 22:30 të së martës në dalje të qytetit të Beratit në vendin e quajtur “Çentër Shqiptare”, Kombinat, ku mësohet se viktima sapo kishte dalë nga puna nga një fasoneri që ndodhet përgjatë aksit nacional Berat-Dimal. Burime për gijotina.com bëjnë me dije se mjeti që e ka goditur dhe është larguar nga vendngjarja ka qenë një Fuoristradë e zezë, e cila pas goditjes e ka tërhequr disa metra zvarrë viktimën, Artur Abazaj 56-vjeç.
Sipas rindërtimit të vendit të ngjarjes, viktima ishte përpjekur të kalonte rrugën përgjatë vijave të bardha, kur është goditur nga një mjet që udhëtonte me shpejtësi në drejtim të Beratit dhe sipas dëshmitarëve në vendngjarje, mjeti e ka tërhequr 56-vjeçarin disa metra zvarrë dhe më pas është larguar nga vendngjarja.
