Përplasi këmbësorin në Koplik, arrestohet shoferi 75-vjeçar

Ka rënë në pranga e policisë, drejtuesi i mjetit, 75 vjeç, i cili përplasi me makinë një këmbësor të shtunën në Koplik. Ndërsa, i lënduari u transportua me urgjencë në spital, ku aktualisht është duke marrë ndihmë mjekësore në Spitalin rajonal Shkodër.

Njoftimi i Policisë:

Në vijim të informacionit paraprak të dhënë ditën e djeshme, për një aksident në hyrje të qytetit të Koplikut, ju informojmë se specialistët e Sektorit të Policisë Rrugore arrestuan për veprën penale “Shkelja e rregullave të qarkullimit rrugor”, drejtuesin e automjetit të përfshirë në aksident, shtetasin 75 vjeç. Shtetasi, i cili u dëmtua nga aksidenti, është dërguar për asistencë mjekësore në Spitalin e Traumës, Tiranë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.