Është arrestuar i riu që shkaktoi një aksident me vdekje në Durrës. Burime nga policia bëjnë me dije se ka rënë në pranga 22- vjeçari i identifikuar me iniciale A.S., banues në Arrameras në Krujë.
I riu drejtonte automjetin pa leje drejtimi dhe ka përplasur automjetin me drejtues A.B., dhe në momentin e aksidentit është larguar nga vendi i ngjarjes.
Si pasojë e aksidentit ka humbur jetën pasagjerja në këtë mjet, Z. D., 81 vjeçe, dhe janë dëmtuar pasagjerët e tjerë, G. D., A. D., M. D. dhe B. D., të cilët ndodhen në spital, nën kujdesin e mjekëve.
Dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim.
Gijotina.com raporton se numri i aksidenteve rrugore vijon të rritet.
Discussion about this post