Një 23-vjeçar është arrestuar nga Policia e Kukësit pasi më datë 2 janar ka aksidentuar tre të mitur dhe është larguar nga vendngjarja. Mësohet se aksidenti ka ndodhur në afërsi të spitalit të Kukësit pak ditë më parë.
Shoferi 23-vjeçar teksa drejtonte një mjet pa targa, ka humbur kontrollin duke përplasur të miturit dhe më pas u largua nga vendngjarja. Të plagosurit janë përkatësisht 12, 16 dhe 17 vjeç.
Sakaq, materialet i kaluan Prokurorisë së Rrethit Gjyqësor Kukës për veprime të mëtejshme hetimore, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Discussion about this post