Një aksident ka ndodhur mbrëmjen e djeshme në Elbasan, ku është plagosur një efektiv policie. Sipas policisë, efektivi ishte duke kryer veprimet proceduriale në një vend aksidenti, kur është përplasur nga një automjet që drejtohej nga një vajzë 21 vjeçe.
Kjo e fundit, nga testet e kryera, rezultoi se kishte konsumuar lëndë narkotike.
Efektivi raportohet se gjendet jashtë rrezikut për jetën.
“Specialistët e Komisariatit të Policisë Rrugore arrestuan shtetasen S.Sh., 21 vjeçe, banuese në Elbasan. Më datë 14.11.2024, rreth orës 21:15, në fshatin Ibë, kjo shtetase, duke drejtuar automjetin, dyshohet në efektin e lëndëve narkotike, ka aksidentuar një punonjës të Komisariatit të Policisë Rrugore në shërbim, i cili ishte po kryente veprimet procedurale për një aksident”, njoftoi policia.
Discussion about this post