Policia e Korçës ka arrestuar ditën e sotmen në flagrancë 26-vjeçarin me inicialet, B.B, banues në Korçë, si edhe filluan procedimin penal për 17-vjeçarin me inicialet L. A., banues në fshatin Çërravë, Pogradec.
26-vjeçari është arrestuar, pasi ditën e djeshme, në aksin rrugor Korçë-Pogradec, pranë fshatit Leshnicë, janë përfshirë në një aksident mjeti tip “Toyota” me drejtues 26-vjeçarin, B. B., me një motomjet pa targa, me drejtues 17-vjeçarin, L. A., i cili nuk posedonte leje drejtimi.
Për pasojë, janë dëmtuar drejtuesi i motomjetit, i cili u dërgua në Tiranë për mjekim të specializuar dhe një 21-vjeçar me inicialet F. A., banues në fshatin Çërravë, Pogradec, i cili ishte pasagjer në motomjet, ku pas mjekimit të marrë në Spitalin e Pogradecit, është larguar për në banesë.
Materialet i kaluan Prokurorisë së Rrethit Gjyqësor Pogradec për veprime të mëtejshme.
Discussion about this post