Përplasi për vdekje 67-vjeçarin dhe u largua, kapet pas disa muajsh shoferi në Fier

Ditën e sotme policia e Fierit ka bërë arrestimin e 43-vjeçarit me inicialet G.B., pasi Gjykata e Shkallës së Parë Fier i ka caktuar masën e sigurisë “Arrest në burg”, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Lidhur me ngjarjen kujtojmë se 43-vjeçari më 20.05. 2022 në aksin rrugor Fier-Seman ka përplasur për vdekje 67-vjeçarin me inicialet B.S., dhe është larguar menjëherë nga vendi i ngjarjes.

“Specialistët për Hetimin e Krimeve të Komisariatit të Policisë Fier bënë ndalimin e shtetasit G. B., 43 vjeç, banues në Hoxharë e Vjetër, pasi Gjykata e Shkallës së Parë Fier i ka caktuar masën e sigurisë “Arrest në burg”, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”. Ky shtetas, më datë 20.05.2022, në aksin rrugor “Fier-Seman”, ka aksidentuar me pasojë vdekjen, shtetasin B. S., 67 vjeç dhe është larguar nga vendngjarja”.”