Policia e Fierit ka arritur të zbardhë aksidentin me pasojë vdekje që ndodhi në datën 2 nëntor në aksin rrugor Fier-Vlorë nga ku mbeti i vdekur 70-vjeçari Y. S. i cili po lëvizte me biçikletë.
Autoritetet kanë ndaluar një 58-vjeçar me iniciale S. Ç. i cili teksa po drejtonte automjetin e tij dyshohet se aksidentoi viktimën dhe më pas u largua nga vendngjarja. Sakaq, materialet i kaluan Prokurorisë, për veprime të mëtejshme procedurale.
Lex edhe: Përplasi për vdekje kalimtarin në Fier, arratiset shoferi
Njoftimi i policisë:
Policia zbardh aksidentin me pasojë vdekjen e një shtetasi, që ndodhi në datën 02.11.2022, në aksin rrugor “Fier-Vlorë”.
Identifikohet dhe ndalohet 58-vjeçari, i cili, duke drejtuar automjetin, aksidentoi me pasojë vdekje shtetasin Y. S. dhe më pas u largua nga vendngjarja.
Në datën 02.11.2022, rreth orës 17:30, në aksin rrugor “Fier-Vlorë”, në fshatin Ferras, shtetasi S. Ç., 58 vjeç, banues në Kraps, Fier, duke drejtuar automjetin tip “Benz”, ka aksidentuar me pasojë vdekje, shtetasin Y. T., 70 vjeç, banues në fshatin Fitore, i cili ka qënë duke lëvizur me biçikletë. Pas aksidentit, shtetasi S. Ç. është larguar nga vendngjarja.
Si rezultat i një pune intensive hetimore nga specialistët e Sektorit të Qarkullimit Rrugor të DVP Fier u bë i mundur identifikimi dhe ndalimi i tij.
Materialet i kaluan Prokurorisë, për veprime të mëtejshme procedurale.
Discussion about this post