Përplasi për vdekje ‘Olsi policin’ e TikTokut, arrestohet shoferi

Një ditë pas aksidentit të rëndë ku humbi jetën Oligert Dika, është arrestuar nga policia, shoferi i kamionit.

Ngjarja e rëndë ndodhi te rruga “Kastriotët”, ku 32-vjeçari u përplas teksa ishte te vijat e bardha.

“Olsi polici” është personazh i njohur në ‘Tik Tok’, pasi qëndronte në rrugë duke mbajtur uniformën e policit.

“Specialistët e Qarkullimit Rrugor arrestuan shtetasin K. F., 35 vjeç, banues në Tiranë, pasi duke drejtuar automjetin, ka aksidentuar me pasojë vdekjen, shtetasin O. D., 32 vjeç, banues në Tiranë”-njofton policia.

“Olsi polici” ishte një personazh tepër i njohur në rrjetet sociale dhe sidomos në TikTok.

Ai shpesh herë shihej në zonën e njohur si Treshi në Tiranë.

“Olsi polici” vishej si efektiv policie i Rrugores dhe ‘ndalonte’ makina për ‘kontroll’.

Pikërisht dje, në Tresh, ai u përplas për vdekje nga një kamion.