Përplasi për vdekje studenten, shqiptari pa patentë dhe me shpejtësi

Një studente 21-vjeçare greke ka humbur jetën pasi është përplasur me makinë nga një shtetas shqiptar.

Ky i fundit akuzohet se tërhoqi zvarrë me makinë studenten 21-vjeçare Emmanuela Kariorakis dhe e la të mbuluar me gjak në asfalt nëntorin e kaluar, në qendër të Selanikut.

27-vjeçari me origjinë shqiptare ishte pa patentë në momentin që shkaktoi aksidentin tragjik në rrugët e Selanikut.

Akuzat që rëndojnë ndaj shqiptarit janë:

1. a) drejtimi i automjetit në mënyrë të rrezikshme ka sjellë si pasojë vdekjen
2. b) largimi nga vendi i aksidentit që ka rezultuar me vdekje
3. c) drejtimi i automjetit pa leje drejtimi, dhe me shpejtësi të lartë në një zonë të populluar me qarkullim të shpeshtë të këmbësorëve dhe automjeteve,
4. d) largimin nga vendi i ngjarjes për të shmangur pasojat.

Ekspertët kanë zbuluar se në momentin e aksidentit tragjik shqiptari ka qenë duke lëvizur me një shpejtësi 104,12 km/h, shumë më e lartë se maksimumi i lejuar në atë pikë, (50 km/orë si zonë banimi).