Përplasi të miturin në Fushë-Bulqizë, kapet shoferi i makinës

Një 38-vjeçar është arrestuar, pasi ka përplasur me makinë një fëmijë në rrugën Fushë-Bulqizë. Mësohet se i arrestuari është 38-vjeç dhe banon në Durrës.

Ndërkohë lidhur me ngjarjen bëhet me dije se fëmija ndodhet në spital dhe është jashtë rrezikut për jetën.

“Specialistët e Seksionit të Trafikut Urban dhe Interurban të DVP Dibër arrestuan në flagrancë shtetasin A. K., 38 vjeç, banues në Durrës, pasi në Fushë-Bulqizë, duke drejtuar automjetin, ka aksidentuar një shtetas të mitur, i cili si pasojë e dëmtimeve të marra, ndodhet në spital, jashtë rrezikut për jetën.”