Nënkryetari i Partisë Demokratike, Enkelejd Alibeaj, i ftuar në e emisionin ‘Open’, ka folur në lidhje me çështjen nëse duhet të zgjidhet nga gjykata kriza në PD apo jo.
Alibeaj tha se nuk ka asnjë shans që kjo të ndodh në këtë mënyrë, pasi sipas tij, në kuptimin juridik dhe procedural, që të kishte Kuvend do të ishte mbledhja e formularëve që më pas duhej çuar në sekretariat.
Sipas tij, Partia Demokratike ka rregullat e veta si dhe Statutin e saj dhe për këtë duhet të respektohet.
“Kjo çështje, ose konflikti qëndron në atë që është nivel politikë i gjësë. Ajo që ne sot diskutojmë është që do të shohim nga e ardhmja, do të lëmë një parti në krahë të SHBA-së, apo do e kthejmë në bunker. Të respektojmë, mjetet, instrumentet e kësaj partie. Ka një lëvizje, një pakicë njerëzish, që nuk e dimë arsyen, ata që erdhën në PD në mënyrë revolucionare për të pushtuar territorin e Partisë Demokratike” – tha Alibeaj.
Discussion about this post