Përplasja fatale e trenave, reagon ambasada shqiptare në Athinë

Ambasada shqiptare në Athinë ka reaguar në lidhje me aksidentin tragjik në Greqi, ku për pasojë 40 persona kanë humbur jetën nga përplasja e dy trenave.

Ambasada nuk jep ndonjë informacion nëse ka persona shqiptarë mes të lënduarve apo viktimave, por i shpreh ngushëllime të gjithë familjeve që janë prekur nga kjo tragjedi.

“Trishtim i thellë për aksidentin tragjik në Tempe të Greqisë.

Shprehim ngushëllimet më të sinqerta dhe ndajmë dhimbjen me familjet e viktimave, duke iu bashkuar lutjeve për shërim sa më të shpejtë të të lënduarve”, shkruan ambasada në Facebook.