Një përplasje ka ndodhur mes gjyqtarit Erion Bani dhe dy prokurorëve të SPAK që po hetojnë rolin e Ilir Beqajt në “aferën e sterilizimit”. Për herë të dytë gjyqtari ka këmbëngulur, duke rekomanduar që Beqaj të ishte në fakt me “arrest me burg” dhe ndaj tij të kishte edhe një akuzë të dytë.
I ftuar në emisionin “Të Paekspozuarit” në MCN TV, Neritan Sejamini ka shpjeguar se çfarë ka konstatuar konkretisht gjyqtari se nuk shkon me hetimet për Beqajn.
“Më bëri shumë përshtypje shpjegimi që ka bërë gjykatësi sepse ka kapur një gjë ekonomike, pra bravo i qoftë.
Cfarë ka bërë zoti Bani?
Shteti duhet të blejë mallra, çfarë bën shteti cakton buxhet dhe kritere për këtë.
Ky është prokurimi i thjeshtë.
Po më këtë mund të bësh një rrugë, etj.
Mirëpo ka raste kur shteti nuk ndërton dot rrugë dhe bashkëpunon me privatizon.
Që të bashkëpunojë bëhet me koncesion, private kryen një pjesë të shërbimit dhe paguhesh, ose nga ata që përdorin shërbimin ose nga buxheti i shtetit.
Që të bëhet koncesion, do të thotë rreziku të kalojë nga shteti të private.
Shteti ka thënë kështu, nuk kam para për koncesionin ia jap privatit, kam këtë buxhet. Ka thënë brenda këtij fondi do ti bësh të gjitha.
Pas kësaj dhe këtu e ka kapur gjyqtari.
Thotë, pasi ka mbaruar tenderi, kanë nisur ta rinegociojnë, të vendosin kushte dhe kanë hequr kufirin limit.
Nga 86 milionë euro ka vajtur mbi 100 milionë euro.
Po kështu, energjinë, ujin, etj, do ti paguajë shteti.
Gjyqtari thotë se është bërë koncesion formalisht, por de fakto është prokurim i thjeshtë. Pra gara është kot, sepse me këto kushte mund të hynin shumë kompani. Prandaj ai thotë se është e qëllimshme”, tha ndër të tjera Sejamini.
Discussion about this post