Deputetja Flutura Açka, njëkohësisht kryetare e Komisionit parlamentar të Medias, ka reaguar përmes rrjeteve sociale lidhur me përplasjen që u krijua mes saj dhe deputetëve demokratë Flamur Noka dhe Gazment Bardhi.
Açka shkruan se veprimet e saj janë ato që i beson se janë të drejta.
“Unë mund të pranoj gjykim politik prej kujtdo, por jo prej çyrëve që iu mbajnë diplomat era barut Gërdeci. Unë kam zot vetëm Zotin. Dhe Ai më shtyn të them e të bëj atë që ndiej e besoj se është e drejta. Kjo është e panegociueshme. Nëse keni pengje personale me Lulzim Bashën, përballuni me të vetë, ndershmërisht”, tha Açka.
Deputetja demokrate, e rreshtuar në krah të Lulzim Bashës, u përfshi në një përplasje verbale me dy kolegët e saj demokratë, që tentuan të bllokojnë mbledhjen e Komisionit, në kuadër të atij që konsiderohet si aksioni opozitar, pasi mazhoranca e Edi Ramës ka bllokuar kërkesat e opozitës për ngritjen e Komisioneve Hetimore.
Discussion about this post