Deputeti Tomor Alizoti është përplasur me kreun e Partisë Demokratike, Lulzim Basha. Shkak i së gjithës është situata e krijuar brenda partisë, e cila vijon të jetë e tillë tashmë prej javësh. Deputeti i ka bërë të ditur Bashës, se gjendja është kritike, madje duke përmendur se rrezikohet dhe ekzistenca e partisë. Më tej ai ka reaguar në lidhje me foltoret e ish-kryeministrit Sali Berisha, të cilat kanë ndarë në dy grupe demokratët. Një pjesë e tyre i janë bashkuar foltores, ndërsa pjesa tjetër jo, e sipas informacioneve të qarkulluar, kryetari bën presion ndaj deputetëve.
“Ti nuk duhet të pengosh deputetët të shkojnë në foltore. Nëse nuk shkon në foltore, të kryqëzojnë demokratët, nëse shkon të kryqëzoni ju. Askush s’ka pse futet në këtë përplasje”, ka thënë Alizoti.
Deputeti e ka quajtur të pavend ndarjen e madhe mes demokratëve, të cilët disa mbështesin Bashën e disa Berishën. E ka quajtur këtë një përplasje mes tyre, e nuk kanë pse bëhen pjesë deputetët e Partisë Demokratike.
Gjendjen aktuale e ka krahasuar me një anije në të cilën ka zjarr, duke treguar se rrezikon mbytjen, ndaj. Kjo anije simbolizon Partinë Demokratike e cila është në pikën e saj më të vështirë.
“Në anije ka rënë zjarr, ne nuk mund të sillemi si në situatë normale”, është drejtuar deputeti demokrat.
